സ്വപ്നതീരം

ഏതോ സ്വപ്നതീരം കാണുന്നു ദൂരെ
മനസ്സിനുളളിലൊരു മരീചിക പോലെ
വർണ്ണസ്വപ്നവുമായൊരു മന്ത്രവീണ 
കാർ കൊണ്ടൽ കാണാത്ത സ്വപ്നം പോലെ
തെന്നൽ തഴുകുമീ പാഴ്മുളം തണ്ടിൻറെ ചുണ്ടിൽ നിന്നൊഴുകുന്ന മധുവാർന്ന സംഗീതം
പ്രിയസഖി തൻ അധരത്തിൽ നിന്നുതിരുന്നു ജീവാമൃതമായ് 
(ഏതോ)

കുളിരേറും മോഹങ്ങൾ കൂടേറും പാടത്ത് 
ഇണക്കിളിയായ് ഞാനും പറന്നു വരാം
നിൻ കിനാവിൽ നിറയുന്ന പൊൻ പരാഗങ്ങൾ
സ്നേഹത്തിൻ പനിനീർമഴ പോലെ 
മെല്ലെ മെല്ലെ പെയ്യുന്നുവല്ലോ കാണാക്കിനാവായ് (ഏതോ)

കതിരിടും പാടങ്ങൾ ചാഞ്ചാടും തീരത്ത് 
നീർമണിയായ് ഞാനിന്നൊഴുകി വരാം
എൻ മനസ്സിൽ തെളിയുന്ന തേനോർമ്മകൾ 
മോഹത്തിൻ വളപ്പൊട്ടുകൾ പോലെ 
മെല്ലെ മെല്ലെ കിലുങ്ങുന്നുവല്ലോ ചിലമ്പൊലിത്താളമായ് (ഏതോ)