അനുരാഗം

അനുരാഗം കൊതിക്കുന്നൊരെൻറെ മാറിൽ
നീയൊരു മയിൽപ്പീലിയായി മെല്ലെ ചേരുമ്പോൾ 
പ്രിയതേ നിൻ മിഴികളിൽ നിറയുന്നിതാ മധുര നിലാമഴ
എൻ മനമാകെ ഒഴുകുന്നിതാ കുളിർക്കിനാ മഴ (അനുരാഗം)

ഓമൽക്കിനാവിനെ തഴുകുന്ന നേരം
പുല്ലാങ്കുഴൽ നാദമായ് നീ പാടുന്നുവോ?
ശ്രവ്യ മനോഹര ശ്രീരാഗമേ നിൻറെ താരാട്ടിൽ 
പ്രകൃതീദേവിയും മയങ്ങുന്നുവല്ലോ!
ഈ പ്രമദ വൃന്ദാവനം തന്നിൽ
മയങ്ങട്ടെ ഞാനും മയങ്ങട്ടെ പൂങ്കാറ്റേ നീ ഉണർത്തല്ലേ (അനുരാഗം)

കാശ്മീര സന്ധ്യകൾ നിറം ചാർത്തുന്ന വാനിൽ
അരുണിമയാൽ നിൻ മുഖവും തുടുക്കുന്നുവോ
ദൃശ്യ മനോഹര സൌന്ദര്യമേ നിൻറെ നിറവിൽ
ത്രിസന്ധ്യ പോലും ശോഭിക്കുന്നുവല്ലോ!
ഈ ചക്രവാള സീമയിൽ
പുൽകട്ടെ ഞാനൊന്ന്‌ പുൽകട്ടെ എൻ പ്രിയസഖീ നീ വരികയില്ലേ (അനുരാഗം)