ആദ്യത്തെ വാക്കിൽ
തെന്നി വീണപ്പോൾ
അച്ഛൻ താങ്ങിത്തിരുത്തി .
ആദ്യത്തെ നോട്ടത്തിൽ
വഴുതി വീണപ്പോൾ
അയലത്തെ ചേച്ചി
അമ്മയോടെന്തോ
രഹസ്യം പറഞ്ഞു .
പിന്നെ വാക്കും നോക്കും
നേരെയാക്കി
പഴയ ശീലങ്ങൾക്കു
വായ്ക്കരിയിട്ടിറങ്ങുമ്പോൾ
ഞാനെന്നെ
തിരിഞ്ഞൊന്നു നോക്കി ;
ഇനിയും പിഴയ്ക്കാനുണ്ട്
ഒരുപാടു ശരികൾ
ഇനിയും വരയ്ക്കാനുണ്ട്
ഒരുപാടു തലതിരിഞ്ഞ സ്വപ്നങ്ങൾ .
ആമച്ചൽ ഹമീദ് .
Amachal Hameed
കവിതകളും നിരൂപണങ്ങളുമായി ഓൺലൈൻ സാഹിത്യമേഘലയിൽ സജീവം. കൂടുതൽ വിവരണം ഉടൻ