മനുഷ്യൻ്റെ എന്തെല്ലാം പ്രശ്നങ്ങൾ
പുകഞ്ഞുകൂടിയൊരാകാശം
എൻ്റെ മേൽ
ഇടിഞ്ഞു വീണൊരു
അട്ടഹാസമായെങ്കിലും
മൗനം കുഴിച്ചതിൽ ഞാൻ
സുന്ദര നിദ്രയിലൊളിച്ചിരുന്നൂ .
ഒരു കടൽവന്നു
തിരമറിഞ്ഞെങ്കിലും
തിരയിൽ ,
പൈതലായി ഞാൻ
ആലിലയിൽ തൊട്ടിലാടി .
പിന്നെയായിരുന്നു
സ്വന്തം ശബ്ദത്തിലെൻ്റെ ഭൂകമ്പം .
ഒരു ഭരണകൂടം
എൻ്റെ പരുക്കൻ ശബ്ദത്തിൻ്റെ
പുറത്തു വീണു
തകർന്നൊരെല്ലു ഞാൻ !
ആമച്ചൽ ഹമീദ് .
Amachal Hameed
കവിതകളും നിരൂപണങ്ങളുമായി ഓൺലൈൻ സാഹിത്യമേഘലയിൽ സജീവം. കൂടുതൽ വിവരണം ഉടൻ