മഴ

ചിലപ്പോ ഈ മഴയ്ക്കു വല്ലാത്തൊരു പ്രണയമാണ് പ്രകൃതീ നിന്നോട്, അസൂയ തോന്നി പോകും..ചില നേരം ഒരു കുളിർ കാറ്റിൽ തുടങ്ങി പെയ്യാതെ തോരുന്ന.. ചിലനേരത്തു പെട്ടന്ന് പെയ്തൊഴിയുന്ന മറ്റു ചിലപ്പോ പെയ്യാൻ വെമ്പി നിന്ന് ഒരു കുളിർ കാറ്റിൽ തിരികെ പോകുന്ന ചിലനേരം താളത്തിൽ പെയ്തു പെയ്തു തങ്ങിനെ ദിവസം മുഴുവൻ പെയ്തൊഴിയാതെ.. ചിലപ്പോ കൂടിയും കുറഞ്ഞും എന്നാൽ നിലയ്ക്കാതെ പെയ്തു ഒഴിയാൻ മടിച്ചു.... . മഴ നൽകുന്ന പ്രണയത്തിന്റെ പല ഭാവങ്ങൾ.... ഇടയ്ക് ഒരു ചാറ്റൽ മഴ ആയി തലോടി തണുപ്പിൽ പൊതിഞ്ഞു.. പെയ്തു തീർന്നിട്ടും തുള്ളികൾ അങ്ങിങ്ങായി തങ്ങി നിന്ന് അവളെ സുന്ദരി ആക്കുമത്രേ... ഇടയ്ക്ക് എപ്പഴോക്കയോ കാലം തെറ്റി തോരാതെ പെയ്തു ഭ്രാന്തമായി പ്രണയിച്ചു പെരുമഴ ക്കാലം സൃഷ്ടിച്ചു അവൾക് നഷ്ടങ്ങൾ സമ്മാനിക്കുമത്രേ... ഒടുവിൽ പിണങ്ങി മാറി അവൾക് ഒരു വേനൽ വിരഹം നൽകി ചൂടിൽ എരിക്കുമത്രേ എങ്കിലും അവൾ വീണ്ടും ഒരു വർഷ മേഘ ത്തിനായി കാത്തിരിക്കുന്നു...

- സിമി എബി (മയിൽ പീലി)