ഓണച്ചിന്തുകൾ

ഓണപ്പൂക്കളായോരങ്ങളോരോന്നും 
ഓണപ്പുടവയുടുക്കുന്നു

മുക്കുറ്റി കാക്കപ്പൂ കമ്മലണിഞ്ഞിട്ടു 
മുത്തണിപല്ലുകാട്ടിച്ചിരിച്ചു

ഓണക്കളങ്ങളുംസദ്യവട്ടങ്ങളും
ഒപ്പമടുക്കളധന്യമാക്കേ...

ഓണത്തപ്പനെഎതിരേൽക്കുവാനായി
ഓണചിരാതുകൾ ദീപ്‌തതമാകെ

വർണമിണങ്ങാത്ത മാനവഹൃത്തിലായ് 
വന്നുവോപൊന്നോണമിനിയെങ്കിലും?

ഒരുമയെന്നുള്ളൊരു വാക്കുമറന്നിട്ടു
ഓണമായൊത്തുചേരുന്നതെപ്പോൾ ?

ചുറ്റുംകെട്ടിയവേലികൾക്കുള്ളിലായ് 
ചുറ്റിത്തിരിയുന്നഓണമക്കൾ

തുമ്പപൂക്കണ്ടില്ല തുമ്പിയെകണ്ടില്ല 
തുമ്പങ്ങളൊന്നും ഒഴിഞ്ഞുമില്ല

താരകൾ മിന്നില്ല താരാട്ടുകേട്ടില്ല 
താണുവീണമ്മ മുഖംകുനിക്കേ !

മാറ്റങ്ങളോരോന്നുമുൾക്കൊണ്ടുപോകവേ 
മാറ്റിനിർത്തുന്നു മർത്യസ്നേഹം

മാബലിക്കേകുവാൻ മാറാത്തവ്യാധിയും
മണ്ണിന്റെകണ്ണീരുംബാക്കിയുയുണ്ട്!!