ചെരുപ്പ്

തൊടിയിലും പാടത്തും ഓടി
കളിച്ചു തുമ്പിയെ
പിടിച്ചു നടന്നൊരാ ബാല്യത്തിൻ
കുസൃതി തിരക്കിനിടയിൽ
ഞാനൊരിക്കലും ശ്രദ്ധിച്ചില്ല
അച്ഛന്ടെയാ തേഞ്ഞു തീർന്ന ചെരുപ്പുകളെ -
സൗഹ്ര്യദ കൂട്ടത്തിൽ
കേമനായി നടന്ന കൗമാരത്തിലും
ഞാൻ കണ്ടതില്ല അച്ഛന്റെ ആ
തേഞ്ഞു തീർന്ന ചെരിപ്പുകൾ
ജീവിതം
തുടങ്ങിയപ്പോഴും
അറിയാൻ ശ്രമിച്ചതില്ല അച്ഛന്റെ ആ തേഞ്ഞു തീർന്ന ചെരിപ്പുകൾ
നൽകിയ സമ്മാനം അത്രേ
ഞാൻ എന്ന സത്യമെന്നതും
ഞാനുമൊരച്ഛനായപ്പോഴത്രെ
തിരിച്ചറിയുന്നത് ന്ടെ അച്ഛന്റെ ആ
തേഞ്ഞു തീർന്ന ചെരിപ്പുകളുടെ മഹത്വമത്രയും

- സിമി എബി (മയിൽ പീലി)