++++++++ ശിവാനി ++++++++
*********
കരിന്തിരികത്തിയ മൺചിരാതിൻ
മുന്നില്
കനവുകൾ വറ്റിയൊരു പെൺകിടാവ്
നീലിച്ച ജാലകവാതില് പഴുതിലൂടാ-
കാശവർണ്ണം തിരഞ്ഞുമടുത്തവൾ
കാലില് കിലുങ്ങുമൊരൊറ്റക്കൊ-
ലുസിൻനൊമ്പരം ഭക്ഷിച്ചുറങ്ങിയു
ണരുവോൾ
സ്നേഹതണലാം തായ്മരം തേടി
കണ്ണിമവെട്ടാതെ തീരം തിരഞ്ഞവൾ
മുഗ്ദ മോഹങ്ങളുള്ളിലുണരുമ്പോൾ
തപ്ത നിശ്വാസത്താൽവിധിയെ വരി
പ്പവൾ
എന്തിനെന്നറിയാതെ ഉഴറും മനസ്സിൻ
കൽപ്പനയ്ക്കൊത്തു സ്മൃതിയിലലി
ഞ്ഞവൾ
അക്ഷരംചൊല്ലിപഠിപ്പിച്ച മാഷിന്റെ
കൺമുനകൊണ്ടു മെയ്യ് കറുത്തവൾ
അച്ഛന്റെ കൈവിരൽതുമ്പാൽ ഇരുമുല
വെന്തു കനലായിമാറിയോൾ
പാതിമെയ്യായ പതിയെ കുളിപ്പിച്ചു
ചന്ദനംപൂശി വെള്ളയുടത്തവൾ
കരിന്തിരികത്തിയ മൺചിരാതിൻ
മുന്നില്
കനവുകൾ വറ്റിയൊരു പെൺകിടാവ്
എൻ കരൾചില്ലയിൽ നീ.....,,
നോവുമൊരോർമ്മ പൂ....,
കനലാഴി തിന്നവളെൻ...,ശിവാനി
ലിനിഷ് ലാൽ മാധവദാസ്
LinishLal Madhavadas
ഞാന് ലിനിഷ് ലാൽ മാധവദാസ് കൊല്ലം ജില്ലയില് കൊട്ടാരക്കരയിൽ ജനനം.അച്ഛൻ മാധവദാസ് , മാതാവ് ബേബികുട്ടി (Late). ഒരു സഹോദരൻ ലിതീഷ് ലാൽ മാധവദാസ് . DVNSS പുവ റ്റൂർ, SG കോളേജ് കൊട്ടാരക്കര, സെൻട്രൽ പോളിടെക്കനിക്ക് തിരുവനന്തപുരം , സഹകരണ ട്രയിനിങ്ങ് കോളേജ് കൊട്ടാരക്കര എന്നിവിടങ്ങളില് വിദ്യാഭ്യാസം. ഇപ്പോള് Real Blue International pte ltd ,4Empat Bite Singapore pvt Ltd. എന്ന കമ്പനിക്കുവേണ്ടി വെസ്റ്റ് ആഫ്രിക്കയില വിവിധ രാജ്യങ്ങളിലായി ജോലിചെയ്യ്തു വരുന്നു. കഥകൾക്