കഥപറയുന്നവർ

കഥപറയുന്നവർ ........................................... ഒരു പൈങ്കിളി പ്രണയത്തിന്റെ തൂവലുകൾ തഴുകി, കൂടെക്കൂട്ടിയ മയിൽപ്പീലിത്തുണ്ടു കരിമഷിക്കണ്ണാലെയവളെ നോക്കി നിറഞ്ഞ കണ്ണുകൾ കഥപറഞ്ഞു സ്നേഹബന്ധനങ്ങളുടെ ,ചതിയുടെ നിരാശയുടെ ,നെഞ്ചിടിപ്പിന്റെ തടവറകൾക്കുള്ളിലെ വിയർത്ത നിശ്വാസങ്ങളുടെ കഥ, നനഞ്ഞ നിമിഷങ്ങളിലെല്ലാം നഷ്ടങ്ങളറിഞ്ഞിട്ടും സ്വർഗീയതയുടെ രസനകളിൽ പുതുമുകുളങ്ങൾ കണ്ടു , ആവർത്തനങ്ങൾ ശാപമോക്ഷമില്ലാതെ കിതച്ചും ഞരങ്ങിയും നീങ്ങവേ മങ്ങിയ വെളിച്ചത്തെനോക്കി, ഇടുങ്ങിയ മതിലുകൾക്കുള്ളിൽ വെളിച്ചവും ഇരുളായിഴയുന്നു, നീരൂറ്റി മെതിച്ചു പടിയിറങ്ങുന്ന രതിവൈകൃതങ്ങളുടെ നിഴലുകൾ , മങ്ങിയ വെളിച്ചത്തെ വെറുത്തിട്ടും പരാജയത്തിന്റെ കൊടുമുടികളിലേക്കു വിധിയുടെ കൈകൾ ഉയർത്തിനിർത്തുന്നു നന്ഗ്ന സത്യങ്ങൾക്കു വാതിലുകളില്ലാതെ പുലരുവോളവും പൂങ്കോഴികൾ കൂവുന്നതേയില്ല.....