ഏകാകി

ഏകാകിയാമെന്റെ- ഓർമ്മകളിലൊരിഷ്ടം.....
ഓടികളിക്കുന്നു.
കാലമിന്നേറെ കൊഴിഞ്ഞു-
പോയെങ്കിലും
കൂട്ടുകാരാ നിന്നെ......
ഓർത്തെടുക്കുന്നു ഞാന്‍.

മാമ്പൂ കൊഴിച്ചിട്ട് തല്ലു-
വാങ്ങിച്ചതും
തൊടിയിലെപൂക്കളെ നുള്ളി-
നോവിച്ചതും
കുങ്കുമം ചാലിച്ച് എന്നെ-
ചമച്ചതും
അച്ഛനായി നീയും അമ്മയായി-
ഞാനും
ഒന്നിച്ചിരുന്ന് മണ്ണപ്പം ചുട്ടതും,
മാഷായി നടിച്ചെന്നെ തല്ലി
നോവിച്ചതും
കള്ളം പറഞ്ഞെന്റെ കണ്ണു-
നനച്ചിട്ട്.........,
കണ്ണുരുട്ടികൊണ്ട് ഒാടി-
മറഞ്ഞതും
പാടവരമ്പത്ത് കൂട്ടായിവന്നിട്ട്
കാതിലൊരു......,
പാട്ടിന്റെ ഈണം പറഞ്ഞതും
ചെമ്പക കാവിലെ പാട്ട്-
ഉത്സവത്തിന്
കണ്ണിമ ചിമ്മാതെ നോക്കി-
യിരുന്നതും
ചന്ദനമണമുള്ള സന്ധ്യയില്‍-
വന്നെന്റെ.........,
മുന്നിലായി നിന്നിട്ട് ഇഷ്ടം-
പറഞ്ഞതും
കാലമിന്നേറെ കൊഴിഞ്ഞു
പോയെങ്കിലും
കൂട്ടുകാരാ നിന്നെ.........,
ഓർത്തെടുക്കുന്നു ഞാന്‍.

- ലിനിഷ് ലാൽ മാധവദാസ്