മൂങ്ങ

അടുത്ത ജന്മം മൂങ്ങയായ് ജനിക്കണം...
പെണ്ണായി പിറന്നതിൽ പിന്നെ ഇരുട്ടിനു നേരെ തീർത്ത അസ്വാതന്ത്ര്യ ചങ്ങലകെട്ടുകളെ ഭേദിച്ച് ഇരുട്ടിലേക്ക് പറന്നെത്തണം

പ്രകൃതി തീർക്കുന്ന പരിമളത്തിലെ
മത്തുപിടിപ്പിക്കുന്ന
പാലപ്പൂ ഗന്ധവും
മുലപ്പൂ വാസനയും
ചെമ്പകപ്പൂ സുഗന്ധവും
ആദ്യാദ്യം നുകരണം...
നിശബ്ദത തീർത്ത വേലിക്കെട്ടിനപ്പുറം
ഇരുട്ടിനോട് മൗനഭാഷയിലൂടെ പ്രണയം പറയണം....
പുറകണ്ണിൽ വെളിച്ചം നിഴലിച്ചിട്ടും
ഇരുട്ടിൽ തപ്പുന്ന അകകണ്ണുള്ളവർ
"കാഴ്ചയില്ലാ പക്ഷി" എന്നെന്ന വിശേഷിപ്പിച്ചതോർത്ത്
പുച്ഛിക്കണം
മനസ്സിൽ ഊറി ഊറി ചിരിക്കണം....