അച്ഛൻമാർ

യാദൃശ്ചികമായി കണ്ട ആ കെട്ടിടത്തിന്റെ ഭംഗിയിൽ ആകൃഷ്ടനായി ഞാൻ അവിടേക്ക് നടന്നു. 

അവിടെ,      ആരുടെയോ അച്ഛൻ ആയിരിക്കാം അയാൾ എന്നെ ഏതോ പൂർവ്വ വൈരാഗ്യം ഉള്ളത് പോലെ തുറിച്ചു നോക്കുന്നുണ്ടായിരുന്നു.

വേറെയൊരു അച്ഛൻ, വളരെ നിസ്സംഗതയോടെ എന്നെ നോക്കിക്കൊണ്ടിരുന്നു.

മറ്റൊരു അച്ഛൻ, പുച്ഛഭാവത്തോടെ എന്റെ നടപ്പ് വീക്ഷിക്കുന്നുണ്ടായിരുന്നു.

മറ്റേതോ ഒരച്ഛൻ എന്നെ സ്നേഹം എന്ന വികാരത്തിന്റെ ആർദ്രതയോടെ നോക്കി. ആ അച്ഛന്റെ കണ്ണ്കൾ നിറയുന്നുണ്ടായിരുന്നു.

വീണ്ടും മുന്നിലേക്ക് നടന്നപ്പോൾ ഞാൻ ആ ബോർഡ്  കണ്ടു, 

"വൃദ്ധസദനം" 

-രഞ്ജിത്കുമാർ. എം